საანგარიშო პერიოდში „სამართლიანი არჩევნებისა და დემოკრატიის საერთაშორისო საზოგადოება“ წინასაარჩევნო კამპანიის დაკვირვებას საქართველოს ყველა მუნიციპალიტეტში ახორციელებდა. 

„სამართლიანი არჩევნებისა და დემოკრატიის საერთაშორისო საზოგადოებამ“ საქართველოს მასშტაბით 9 მრგვალი მაგიდა ჩაატარა შემდედ მუნიციპალიტეტებში: თბილისი, რუსთავი, გორი, თელავი, გურჯაანი, საგარეჯო, ქუთაისი, ბათუმი და ოზურგეთი.

24 აპრილს „სამართლიანი არჩევნებისა და დემოკრატიის საერთაშორისო საზოგადოებამ“ 2014 წლის 15 ივნისის ადგილობრივი თვითმმართველობების არჩევნების მონიტორინგის პირველი შუალედური ანგარიში გამოაქვეყნა. „სამართლიანი არჩევნები“ დაკვირვებას საქართველოს ყველა საარჩევნო ოლქში 73 გრძელვადიანი დამკვირვებლის მეშვეობით ახორციელებს, რომლებმაც სათანადო მომზადება და ტრენინგი მონიტორინგის დაწყებამდე გაიარეს. 

„მიუხედავად იმისა, რომ კოდექსში შეტანილი რიგი ცვლილებებისა ნამდვილად დადებითად უნდ შეფასდეს, საერთო ჯამში საარჩევნო კანონმდებლობის არსებითი ცვლილება, რაც მნიშვნელოვნად გააუმჯობესებდა საარჩევნო გარემოს და რისი მოლოდინიც გვქონდა არასამთავრობო ორგანიზაციებს და ზოგადად საზოგადოებას, მიგვაჩნია, რომ ამ დრომდე არ განხორციელებულა“,-ამბობს ნინო ლომჯარია,სამართლიანი არჩევნების აღმასრულებელი დირექტორი.

ადგილობრივი თვითმმართველობის ახალი კოდექსი არა მარტო პოლიტიკური, არამედ საზოგადოების ფართო წრის განხილვის და დებატების საგანი გახდა. ამ მიზეზით ორგანიზაციამ გადაწყვიტა ჩაეტარებინა კვლევა და უკეთ გაეცნო საზოგადოებისთვის ის საკითხები, რომელიც დისკუსიის საგანი გახდა.

“სამართლიანი არჩევნებისა და დემოკრატიის საერთაშორისო საზოგადოება“ საქართველოს პარლამენტს  ადგილობრივი თვითმმართველობის საარჩევნო სისტემის საკითხებზე დისკუსიის დაუყოვნებივ დაწყებას სთხოვს

საოლქო კომისიებში „სამართლიანმა არჩევნებმა“ 78 საჩივარი წარადგინა. საჩივრების უმეტესობა საუბნო საარჩევნო კომისიის წევრთა პასუხისმგებლობას ეხებოდა, ხოლო 11 შემთხვევაში მოთხოვნილ იქნა შემაჯამებელი ოქმის ბათილობა და შედეგების გადასინჯვა შემაჯამებელ ოქმებში არსებული ხარვეზებისა და უზუსტობების გამო.