EN
GE
არქივი
8 სექტემბერი, 2017
სამართლიანი არჩევნები 2017 წლის 21 ოქტომბრის არჩევნების გრძელვადიან წინასაარჩევნო დაკვირვებას 24 ივლისიდან ორგანიზაციის 70 გრძელვადიანი დამკვირვებლის მეშვეობით ახორციელებს.
6 სექტემბერი, 2017
ვენეციის კომისიის თავმჯდომარემ, ჯანი ბუკიკიომ, განაცხადა, რომ იმედგაცრუებულია საქართველოში პროპორციულ საპარლამენტო სისტემაზე გადასვლის 2024 წლისთვის გადადებით. იგი, ასევე, უარყოფითად აფასებს იმ ფაქტს, რომ პოლიტიკურ პარტიებს შორის ვერ შედგა კონსენსუსი კონსტიტუციასთან დაკავშირებით. გარდა ამისა, 4 სექტემბერს ვენეციის კომისიის მდივანმა, თომას მარკერტმა, მმართველ გუნდს ურჩია, დაელოდოს ვენეციის კომისიის საბოლოო დასკვნას, რომელიც ოქტომბერში გამოქვეყნდება და მხოლოდ ამის შემდეგ მიიღოს კონსტიტუცია.

4 სექტემბერი, 2017
29 აგვისტოს მთავრობამ ადამიანის უფლებათა ევროპულ სასამართლოში საქართველოდან ასარჩევი მოსამართლის პოზიციაზე ევროპის საბჭოს მიერ დაწუნებული კანდიდატების ჩანაცვლების მიზნით 2 ახალი კანდიდატი შეარჩია. კოალიციის შეფასებით, კონკურსის ჩატარების მიზნით შექმნილი სამთავრობო კომისიის შემადგენლობა და მუშაობის წესი, ისევე როგორც დამდგარი შედეგი კვლავაც უსამართლოა და არ აკმაყოფილებს ევროსაბჭოს საპარლამენტო ასამბლეის „მოსამართლეთა ნომინირების და არჩევის შესახებ“ რეზოლუციის მოთხოვნებს.
27 აგვისტო, 2017
ლევან ბერიანიძისა და თორნიკე კუსიანის საქმე ასევე მწვავედ ავლენს დამოუკიდებელი საგამოძიებო მექანიზმის არარსებობის პრობლემას, რომელიც სამართალდამცავი ორგანოების სისტემის შიგნით ჩადენილი დანაშაულის დამოუკიდებელი და ეფექტიანი გამოძიების გარანტია უნდა იყოს.
18 აგვისტო, 2017
18 აგვისტოს, მმართველი და ოპოზიციური პარტიების მონაწილეობით დაგეგმილია კონსულტაციები საკონსტიტუციო რეფორმასთან დაკავშირებით. დღევანდელი კონსულტაცია იძლევა ჩიხური სიტუაციიდან გამოსვლის შესაძლებლობას, რაც მისასალმებელია.
18 აგვისტო, 2017
24 ივლისიდან წინასაარჩევნო პერიოდის მიმდინარეობას ყველა მუნიციპალიტეტში უკვე აკვირდება ორგანიზაციის 70 გრძელვადიანი დამკვირვებელი. გრძელვადიანი მონიტორინგის შუალედური შედეგების გამოქვეყნებამდე, „სამართლიანი არჩევნები“ წარმოადგენს საარჩევნო კანონმდებლობის, პოლიტიკური და მედია პლურალიზმის კუთხით წინასაარჩევნოდ ქვეყანაში არსებული გარემოს შეფასებას.
18 აგვისტო, 2017
18 აგვისტოს, სამართლიანი არჩევნებისა და დემოკრატიის საერთაშორისო საზოგადოებამ 2017 წლის ადგილობრივი თვითმმართველობის არჩევნების წინასაარჩევნო გარემოს შეფასება გამოაქვეყნა.
17 აგვისტო, 2017
ხელმომწერი ორგანიზაციები ვეხმიანებით 2017 წლის 16 აგვისტოს ცხინვალის de facto რეჟიმის მიერ ახალგორის რაიონში მცხოვრები ქართველი სამოქალაქო აქტივისტისა და ჟურნალისტის, თამარ მეარაყიშვილის დევნის ფაქტებს და საქართველოს ხელისუფლებას მოვუწოდებთ გამოიყენოს მის ხელთ არსებული ყველა დიპლომატიური და სამართლებრივი საშუალება აქტივისტის უსაფრთხოებისა და უფლებების  დაცვის უზრუნველყოფისთვის.  

28 ივლისი, 2017
საქართველოში მოქმედი არასამთავრობო ორგანიზაციები ამერიკის შეერთებული შტატების ვიცე პრეზიდენტს მისი საქართველოში ვიზიტის წინ ღია წერილით მიმართავენ. ორგანიზაციები წერილში საქართველოს მიღწევებზე, ასევე ქვეყნის წინაშე დემოკრატიისა და უსაფრთხოების კუთხით არსებულ გამოწვევებზე ამახვილებენ ყურადღებას. წერილის ავტორები ხაზს უსვამენ აშშ-ს მხრიდან საქართველოს მტკიცე თანადგომის მნიშვნელობას და ვიცე პრეზიდენტს დემოკრატიული ინსტიტუტების გაძლიერების, უსაფრთხოების, რუსული ოკუპაციის საფრთხეებთან გამკლავების, და ნატოში გაწევრიანების გზაზე მხარდაჭერას სთხოვენ.
27 ივლისი, 2017
კოალიცია დამოუკიდებელი და გამჭვირვალე მართლმსაჯულებისათვის მთავრობას მოუწოდებს, შეცვალოს სტრასბურგის სასამართლოში მოსამართლეობის კანდიდატთა შესარჩევი კომისიის დაკომპლექტების წესი(შემადგენლობა) და პროცედურები. 
წინა |  1  2  3  4  [5]  6  7  8  9  ...  58  | შემდეგი
All rights reserved & Design is copyrighted