სამართლიანი არჩევნები - პროექტები - განხორციელებული პროექტები

		geo \| eng


	ორგანიზაციის წესდება სტრუქტურა სტრატეგიული გეგმა ისტორია წლიური ანგარიშები ფოტო გალერეა ბმულები მიმდინარე პროექტები განხორციელებული პროექტები კვლევები საარჩევნო სიახლეები ანგარიშები საკანონმდებლო ინიციატივები საერთაშორისო მონიტორინგი გახდი დამკვირვებელი გამოცემები პრესრელიზები განცხადებები მულტიმედია

2011 წელი

პროექტის სახელწოდება: აღმოსავლეთ ევროპის პარტნიორობის ქვეყნებში სამოქალაქო საზოგადოების როლი თანამონაწილეობრივი დემოკრატიის გაძლიერებისათვის.

პროექტის ხანგრძლივობა:2011 წლის 3 მაისი - 2011 წლის 03 ივლისი

დონორი ორგანიზაცია:"ღია საზოგადოება - საქართველო"

პროექტის მიზანს წარმოადგენდა სამოქალაქო საზოგადოების როლის გაძლიერება თანამონაწილეობრივი დემოკრატიაში აღმოსავლეთ პარტნიორობის ქვეყნებში და გამოცდილების გაზიარების ხელშეწყობა. პროექტი ითვალისწინებდა სხვადასხვა ადგილობრივ და საერთაშორისო არასამთავრობო, სამთავრობო ორგანიზციებსა და მედიის წარმომადგენლებთან შეხვედრას.

2010 წელი

პროექტის სახელწოდება: დიალოგისა და უნარჩვევების ხელშეწყობა ეფექტური ეროვნული საარჩევნო პროცესებისათვის

პროექტის ხანგრძლივობა: 1 ოქტომბერი, 2009 – 1 დეკემბერი, 2010 ( 14 თვე)

დონორი ორგანიზაცია: გაერთიანებული ერების განვითარების პროგრამა (UNDP)

პროექტის მიზნები:

ფართომასშტაბიანი საინფორმაციო კამპანიის წარმოება საზოგადოებისათვის, ეთნიკური უმცირესობების ჩათვლით, ზოგადად არჩევნებთან და საარჩევნო პროცედურებთან დაკავშირებით;
სამოქალაქო საზოგადოების ინფორმირებულობის შენარჩუნება საარჩევნო პრინციპებთან დაკავშირებით, რომელიც ხელს შეუწყობს საარჩევნო წესების უპრო მეტად დაფასებას, შედეგად კი გაზრდის სამოქალაქო ქცევის პასუხისმგებლობას.

პროექტის აღწერა: პროექტის ფარგლებში "სამართლიანი არჩევნები" გეგმავს:

რესურს ცენტრების გახსნას რეგიონებში (2 რესურს ცენტრი განთავსდება ეთნიკური უმცირესობებით, სომხებითა და აზერბაიჯანლებით, დასახლებულ რეგიონებში), სადაც გაიმართება რეგულარული შეხვედრები ადგილობრივ მოსახლეობის ჩართულობით, საარჩევნო საკითხებთან დაკავშირებით;
ახალგაზრდული ჯგუფების შექმნას (ახალგაზრდები სამართლიანი არჩევნებისთვის) - თითოეულ რესურს ცენტრში წარმოდგენილი იქნება 15-20 ახალგაზრდა, რომლებიც ხელს შეუწყობენენ როგორც თავიანთი თანატოლების, ასევე თემის სხვა წევრების ცნობიერების ამაღლებასა და მათ ჩართულობას საარჩევნო პროცესებში. ახალგაზრდები ასევე ჩართულები იქნებიან პროექტით გათვალისწინებულ სხვადასხვა აქტივობებში, როგორებიცაა: ავტო-ტურები, საჯარო სტენდები, საჯარო შეხვედრები, საინფორმაციო ლიფლეტებისა და ბროშურების გავრცელება;
ავტო-ტურების ორგანიზებას, რომლებიც გაიმართება ღია ცის ქვეშ და რომლებსაც დაესწრებიან სამოქალაქო საზოგადოების წარმომადგენლები. ავტო-ტურები იქნება ინტერაქტიული ხასიათის, რომლის მეშვეობითაც საზოგადოებას მიეწოდება ინფორმაცია საარჩევნო კანონმდებლობის, საარჩევნო ადმინისტრაციის, არჩევნების დღის პროცედურების, ადგილობრივი თვითმმართველობის არჩევნებისა და არჩევნებში მონაწილების მნიშვნელობაზე. ავტო-ტურების მონაწილეები გაავრცელებენ სპეციალურად დამზადებულ ლიფლეტებსა და ბროშურებს;
საჯარო სტენდების ორგანიზებას საქართველოს ყველა საარჩევნო ოლქში, რომლის მეშვეობითაც ორგანიზაცია მოსახლეობას მიაწვდის ამომწურავ ინფორმაციას საარჩევნო კანონმდებლობის, საარჩევნო ადმინისტრაციის, არჩევნების დღის პროცედურების, ადგილობრივი თვითმმართველობის არჩევნების, არჩევნებში მონაწილებისა და ამომრჩეველთა სიების შესახებ;
რეგულარული ტელე და რადიო თოკ-შოუების გამართვას რეგიონალურ მაუწყებლობებში, რომლებშიც მონაწილეობას მიიღებენ „სამართლიანი არჩევნების“ ცენტრალური და რეგიონალური ოფისების წარმომადგენლები, საარჩევნო ადმინისტრაციისა და სამოქალაქო ორგანიზაციების წარმომადგენლები და ისაუბრებენ ისეთ საკითხებზე, როგორებიცაა: საარჩევნო კანონმდებლობა, საარჩევნო ადმინისტრაცია, არჩევნების დღის პროცედურები, არჩევნებში მონაწილების მნიშვნელობა, ამომრჩეველთა სიები. საზოგადოებას მიეცემა საშუალება სატელეფონო ზარის მეშვეობით პიდაპირ ეთერში მიიღონ პასუხი ნებისმიერ არჩევნებთან დაკავშირებულ საკითხებზე;
საარჩევნო საკითხებთან დაკავშირებული მედია კამპანიის ორგანიზებას. მედია კამპანია მოიცავს შემდეგ აქტივობებს: ა) სპეციალური ფილმის შექმნა არჩევნებსა და არჩევნებში მონაწილეობის მნიშვენელობაზე. ფილმის ჩვენება მოხდება კინოთეატრებსა და ადგილობრივ ტელევიზიებში. ბ) ადგილობრივ ბეჭდვით მედიაში სპეციალური ჩანართების გაკეთება საარჩევნო საკითხებთან დაკავშირები.

პროექტის სახელწოდება: სახალხო მანიფესტი

პროექტის ხანგრძლივობა: 1 ოქტომბერი, 2009 - 1 მარტი, 2011 (18 თვე)

დონორი ორგანიზაცია: ევროკომისია (EC)

პროექტის მიზნები:

მოქალაქეთა და ადგილობრივი სათემო ორგანიზაციების უნარჩვევების გაზრდა, ადგილობრივი თვითმმართველი ორგანოების მონიტორინგისა და კონტროლის კუთხით;
ადგილობრივი თვითმმართველი ორგანოების გამჭვირვალობისა და პასუხისმგებლობის უზრუნველყოფა ადგილობრივი პრობლემების მოგვარების პროცესში;
პოლიტიკური პარტიების/ცალკეული კანდიდატების პასუხისმგებლობის უზრუნველყოფა ადგილობრივ დონეზე არსებული პრობლემებისა და გამოწვევების აღმოფხვრის ან სულ მცირე გაუმჯობესების პროცესში.

პროექტის აღწერა: პროექტის ფარგლებში „სამართლიანი არჩევნები“ განახორციელებს შემდეგ საქმიანობებს:

ორგანიზებას გაუკეთებს მრგვალ მაგიდებს ფოკუს ჯგუფებისა და ჩართული მხარეების მონაწილეობით, რათა გამოვლენილ იქნას ადგილობრივი პრობლემები. შემდეგ კი ერთობლივად შემუშავდება საუკეთესო გზები, ამ პრობლემების მოსაგვარებლად;
განახორციელებს აქტიური მოქალაქეებისა და სამოქალაქო ორგანიზაციების ცნობიერებისა და უნარჩვევების ამაღლების კამპანიას;
ადგილობრივი თვითმმართველობის ორგანოებისა და მათი საქმიანობის მონიტორინგი შემდეგი აქტივობებით: ინფორმაციის თავისუფლების კანონმდბელობის მიხედვით საჯარო ინფორმაციის გამოთხოვა; საკრებულოს (ადგილობრივი თვითმმართველობის წარმომადგენლობითი ორგანო) სხდომებზე დასწრება და მათი საქმიანობებისა და მიღებული გადაწყვეტილებების მონიტორინგი; საკრებულოს ინფორმირება გამოვლენილ პრობლემებთან დაკავშირებით და ამ პრობლემების გადაჭრის გზების შეთავაზება;
დიალოგის ორგანიზება და შეთანხმების უზრუნველყოფა პოლიტიკურ პარტიებს/ცალკეულ კანდიდატებსა და ადგილობრივ მოსახლეობას შორის იმასთან დაკავშირებით, რომ მათი არჩევის შემთხვევაში პოლიტიკური პარტიები/ცალკე მდგომი კანდიდატები აიღებენ პასუხისმგებლობას არსებული გამოწვევების მოგვარების მხრივ.

პროექტის სახელწოდება: საარჩევნო ინფორმაციული ვებგვერდის შექმნა

პროექტის ხანგრძლივობა: დეკემბერი 2009 - ივნისი 2010.

დონორი ორგანიზაცია: ფონდი "ღია საზოგადოება-საქართველო"

პროექტის მიზნები:

ხელი შეუწყოს 2010 ადგილობრივი თვითმართველობის არჩევნების მიმდინარეობის შესახებ ამომრჩევლისა და საერთაშორისო ორგანიზაციების წარმომადგენლების ინფორმირებას საარჩევნო პროცესების შესახებ;
ორენოვანი (ქართული, ინგლისური) ვებ-პორტალის შექმნას, სადაც განთავსდება ყველა ტიპის არჩევნებთან დაკავშირებული ინფორმაცია კერძოდ: ყველა დონის საარჩევნო ადმინისტრაციის შესახებ, ადმინისტრაციის დაკომპლექტება, წევრები, ადგილმდებარეობები და საკონტაქტო ინფორმაცია, ასევე, „სამართლიანი არჩევნების“ მონიტორინგის ინფორმაცია.

პროექტის აღწერა:

პროექტის მიზნისა და ამოცანების მიღწევის მიზნით "სამართლიანი არჩევნების და დემოკრატიის საერთაშორისო საზოგადოება" გეგმავს შემდგომი საქმიანობების განხორციელებას:

"სამართლიანი არჩევნების" ცენტრალური და რეგიონალური ოფისების და რაიონული კოორდინატორების მიერ მოხდება ინფორმაციის მოპოვება და ანალიზი შემდგომი საკითხების შესახებ:

მოპოვებული ინფორმაცია განთავსდება ამ მიზნით შექმნილ ვებ-პორტალზე. ვებ-პორტალის შექმნაში მონაწილეობას მიიღებს მაღალკვალიფიციური ექსპერტები და „სამართლიანი არჩევნების“ წარმომადგენლები;
ვებ-გვერდის პოპულარიზაციის მიზნით „სამართლიანი არჩევნები“ განახორციელებს რიგ საქმიანონებს:

აღსანისნავია, რომ პროექტი გათვლილია გრძელვადიანი გამოყენებისათვის, შესაბამისად პროექტის დასრულების შემდეგ გაგრძელდება ვებ-პორტალის განახლებაზე მუშაობა.

პროექტის სახელწოდება: ორგანიზაციის ინსტიტუციონალური გაძლიერება

პროექტის ხანგრძლივობა: 1 აპრილი, 2009 – 31 იანვარი, 2010

დონორი ორგანიზაცია: ეროვნული წვლილი დემოკრატიისთვის (NED)

პროექტის მიზნები:

ორგანიზაციის გრძელვადიანი სიმტკიცის გაძლიერება, ინსტიტუციონალური და ტექნიკური უნარების გაძლიერებით;
საარჩევნო კანონმდებლობის გაუმჯობესება, საარჩევნო კოდექსზე მომუშავე ჯგუფისათვის ტექნიკური გამოცდილების მიწოდებით. (ევროსაბჭოსა და ეუთოს მიერ ინიცირებული სამუშაო ჯგუფი).

I ფაზა(1 აპრილი, 2009 – 31 ივლისი, 2009)
პროექტის აღწერა: პროექტის I ფაზის ფარგლებში „სამართლიანი არჩევნები“ განახორციელებს შემდეგ საქმიანობებს:

ჩატარდება 2 შეფასებითი სამუშაო შეხვედრა, ორგანიზაციის ძლიერი და სუსტი მხარეების გამოსავლენად. შეხვედრაში მონაწილეობას მიიღებენ „სამართლიანი არჩევნების“ გამგეობის წევრები, ცენტრალური და რეგიონალური ოფისების თანამშრომლები და ეროვნულ-დემოკრატიული ინსიტუტის (NDI) წარმომადგენლები. აქცენტი გაკეთდება ორგანიზაციის ძლიერ ასპექტებზე, რომელიც ითამაშებს გადამწყვეტ როლს ორგანიზაციის თვით-გაძლიერების განვითარებისთვის;
გაიმართება მუდმივი კონსულტაციები საერთაშორისო ექსპერტებთან, ისეთ აღმოსავლეთ ევროპული სამოქალაქო ორგანიზაციების წარმომადგენლებთან, როგორებიცაა სესიდი (CeSID), გონგი (GONG) და PDA. კონსულტაციების მეშვეობით „სამართლიანი არჩევნები“ მიიღებს ძირეულ ცოდნასა და გამოცდილებას სხვადასხვა მეთოდებზე და ტექნიკებზე, რომლებიც აუცილებელია ორგანიზაციის ტექნიკური და ფინანსური მდგრადობისთვის, თვით-გაძლიერების განვითარებისთვის;
ჩატარდება 3 სამუშაო შეხვედრა, ორგანიზაციის გამგეობის, ცენტრალური და რეგიონალური ოფისების თანამშრომლებისა და ეროვნულ-დემოკრატიული ინსიტუტის (NDI) წარმომადგენლების მონაწილეობით, სადაც მოხდება ორგანიზაციის ახალი სტრატეგიის ჩამოყალიბება, წინა შეფასებითი შეხვედრების დროს გამოვლენილ სუსტ და ძლიერ მხარეებსა და საერთაშორისო ექსპერტებისაგან მიღებულ გამოცდილებაზე დაყრდნობით. ახალი სტრატეგია გააერთიანებს ახალ მიმართულებებსა და პრიორიტეტებს, და ეს იქნება ორგანიზაციის გაძლიერებისკენ მიმართული გზების მონახაზი.
ჩატარდება 5 ტრენინგი „სამართლიანი არჩევნების“ ცენტრალური და რეგიონალური ოფისების თანამშრომლებისა და ოლქის კოორდინატორებისთვის ახალ მიმართულებებსა და პირორიტეტებზე, რათა გაიზარდოს თანამშრომელთა ცოდნა და გამოცდილება ამ საკითხებთან მიმართებაში;
ჩატარდება გამგეობის 2 სხდომა;
„სამართლიანი არჩევნების“ იურისტები აქტიურად იქნებიან ჩართულნი ევროსაბჭოსა და ეუთოს მიერ ინიცირებულ საარჩევნო კოდექსზე მომუშავე ჯგუფში.

II ფაზა(1 აგვისტო, 2009 – 31 იანვარი, 2010)
პროექტის აღწერა: პროექტის II ფაზის ფარგლებში „სამართლიანი არჩევნები“ განახორციელებს შემდეგ საქმიანობებს:

იმისათვის, რომ გაიზარდოს 21 მაისის საპარლამენტო არჩევნების დროს არჩეული მაჟორიტარი დეპუტატების ანგარიშვალდებულება, „სამართლიანი არჩევნები“ ორგანიზებას გაუკეთებს 6 მრგვალ მაგიდას საქართველოს 6 რეგიონში: აჭარა, სამცხე-ჯავახეთი, ქვემო ქართლი, იმერეთი, სამეგრელო და კახეთი. მრგვალი მაგიდების მიზანია, გაიმართოს დისკუსიები, სადაც ისაუბრებენ მაჟორიტარი დეპუტატებისა და მათი ბიუროების მიერ შესრულებულ სამუშაოზე თავიანთ რეგიონებში, პარლამენტის წევრად არჩევიდან 1 წლის განმავლობაში. მრგვალ მაგიდებზე მოწვეულნი იქნებიან შემდეგი მხარეები: საქართველოს პარლამენტის მაჟორიტარი დეპუტატები, მათი ბიუროების წარმომადგენლები, სამოქალაქო საზოგადოების წარმომადგენლები და თემების აქტიური წევრები, მასმედიისა და ადგილობრივი თვითმმართველობის წარმომადგენლები. მონაწილეებს მიეცემათ საშუალება შეაფასონ მაჟორიტარი დეპუტატისა და მისი ბიუროს მიერ შესრულებული საქმიანობა. ასევე, ისაუბრონ იმ მექანიზმებზე, რომლებიც აუციელებელია კანონმდებლებსა და საზოგადოებას შორის დიალოგის გაძლიერებისთვის;
ჩატარდება 6 ტიპის ტრენინგი ორგანიზაციის ცენტრალური და რეგიონალური ოფისების თანამშრომლებისთვის, ახალ მიმართულებებსა და პრიორიტეტებზე.
ჩატარდება გამგეობის 3 სხდომა.

სამართლიანი არჩევნებისა და დემოკრატიის საერთაშორისო საზოგადოებამ დაიწყო საჯარო შეხვედრების ჩატარება, პროექტის - "საქართველო: 2008 წლის საპარლამენტო არჩევნები", ფარგლებში.

პროექტის სახელწოდება: 2010 წლის არჩევნების მონიტორინგი

დონორი ორგანიზაცია: შავი ზღვის ფონდი

პროექტის ხანგრძლივობა: 1 მაისი 2010 – 31 ივლისი 2010

პროექტის ბიუჯეტი: 24 895.38 აშშ დოლარი

პროექტის მიზნები:

არჩევნების პროცესში გაყალბების ან/და გაყალბების მცდელობის აღკვეთა/პრევენცია;

ადგილობრივი თვითმმართველობისა და საქართველოს პარლამენტის შუალედური არჩევნების უფრო თავისუფლად და სამართლიანად ჩატარების ხელშეწყობა;

იმ ამომრჩეველთა უფრო მეტი ინფორმირება, რომლებმაც იციან არჩევნების ზუსტი შედეგები;

"სამართლიანი არჩევნების" ხარისხობრივი და რაოდენობრივი მონიტორინგის საფუძველზე, რეკომენდაციების შემუშავება საარჩევნო პროცესების შემდგომი გაუმჯობესებისთვის.

განხორციელებული საქმიანობები:

"სამართლიანმა არჩევნებმა" შეარჩია, ტრენინგები ჩაუტარა და თითო გრძელვადიანი დამკვირვებელი მიავლინა საქართველოს 25 საოლქო საარჩევნო კომისიაში: # 1 მთაწმინდის, # 2 ვაკის, # 3 საბურთალოს, # 4 კრწანისის, # 5 ისნის, # 6 სამგორის, # 7 ჩუღურეთის, # 8 დიდუბის, # 9 ნაძალადევის, # 10 გლდანის, # 15 ლაგოდეხის, # 17 თელავის, # 20 რუსთავის, # 21 გარდაბნის, # 32 გორის, # 35 ხაშურის, # 37 ახალციხის, # 44 ამბროლაურის, # 54 სამტრედიის, # 59 ქუთაისის, # 62 ჩოხატაურის, # 64 სენაკის, # 70 ფოთის, # 79 ბათუმისა და # 83 ხელვაჩაურის საოლქო საარჩევნო კომისიები.

არჩევნების შემდგომი პერიოდის განმავლობაში, "სამართლიანი არჩევნების" დამკვირვებლები დააკვირდნენ საოლქო საარჩევნო კომისიის მუშაობის სრულ პროცესს, 31 მაისიდან საოლქო საარჩევნო კომისიების მიერ შემაჯამებელი ოქმის შედგენამდე;

ორგანიზაციის ერთი დამკვირვებელი წარმოდგენილი იყო საქართველოს ცენტრალურ საარჩევნო კომისიაში, რომელიც დააკვირდა ცესკო-ს საქმიანობებს არჩევნების შემდგომი პერიოდის განმავლობაში.

საჩივრების განხილვისა და მასზე რეაგირებას ასევე დააკვირდნენ "სამართლიანი არჩევნების" გრძელვადიანი იურისტები, რომლებიც ასევე დაესწრნენ ორგანიზაციის საჩივრების განხილვას სასამართლოებში.

მონიტორინგის შედეგებზე დაყრდნობით, „სამართლიანმა არჩევნებმა“ შეიმუშავა რეკომენდაციები, საარჩევნო პროცესების შემდგომი განვითარების მიზნით საქართველოში.

პროექტის სახელწოდება: 2010 წლის ადგილობრივი თვითმმართველობის არჩევნები - საარჩევნო ადმინისტრაციის დაკომპლექტების მონიტორინგი

დონორი ორგანიზაცია: შვედეთის საერთაშორისო განვითარების სააგენტო (SIDA)

პარტნიორი ორგანიზაცია: ეროვნულ-დემოკრატიული ინსტიტუტი (NDI)

პროექტის ხანგრძლივობა: მარტი - მაისი, 2010

პროექტის ბიუჯეტი: 15 000 აშშ დოლარი

პროექტის მიზნები:

საარჩევნო რეფორმების პროცესის ხელშეწყობა;

საარჩევნო ადმინისტრაციის გამჭვირვლობის გაზრდა, მოხელეთა მონიტორინგის გზით;

საარჩევნო ადმინისტრაციის გამჭვირვალობის გაზრდა, 2010 და 2012 წლების არჩევნებისათვის საარჩევნო ადმინისტრაციის ქვედა დონეების (საუბნო, საოლქო) დაკომპლექტების მონიტორინგის გზით.

განხორციელებული საქმიანობები:

შემუშავდა მონიტორინგისა და ანგარიშგების მეთოდოლოგია. ტრენინგები ჩაუტარდა ორგანიზაციის გრძელვადიან დამკვირვებლებს განსახორციელებელ საქმიანობებთან დაკავშირებით;

განხოციელდა მონიტორინგი თითოეული საარჩევნო ოლქისა და საარჩევნო უბნის დაკომპლექტებისა და შერჩევის პროცესზე, ასევე მათ ანგარიშვალდებულებაზე, საქართველოს ყველა საარჩევნო ოლქში, „სამართლიანი არჩევნების“ ოლქის კოორდინატორების მიერ. განსაკუთრებული ყურადღება გამახვილდა კომისიების დაკომპლექტების პროცესზე. კერძოდ, საარჩევნო უბნის კომისიის წევრებად შერჩეული იქნენ თუ არა ის მოხელეები, რომელთა არაკომპეტენტური მუშაობის გამო გაუქმდა და/ან სერიოზული საჩივარი იქნა შეტანილი 2008 წლის არჩევნების დროს იმ საარჩევნო უბნებზე, სადაც ეს მოხელეები მუშაობდნენ კომისიის წევრებად.

მონიტორინგი შედეგებზე დაყრდნობით გაკეთდა ანგარიში ორგანიზაციის ელექტრონული ბიულეტენის „საარჩევნო სიახლეებისათვის“, რომელიც ცნობილი გახდა ფართო საზოგადოებისათვის ელ-ფოსტის, ვებ-გვერდისა და პრეს-კონფერენციების საშუალებით.

2009 წელი

პროექტის სახელწოდება: დემოკრატიული ინსტიტუტების განვითარება საქართველოში სამოქალაქო საზოგადოების აქტიური მონაწილეობით

დონორი ორგანიზაცია:ევროკავშირის წარმომადგენლობა საქართველოში (EU)
და გაერთიანებული ერების განვითარების პროგრამა (UNDP)

პროექტის ხანგრძლივობა: 1 აპრილი 2008 - მიმდინარე

პროექტის ბიუჯეტი: 1 283 852 აშშ დოლარი

განხორციელებული საქმიანობები: პროექტი განხორციელდა საქართველოს ახალგაზრდა იურისტთა ასოციაციასთან პარტნიორობით. პროექტი შედგებოდა სამი ფაზისაგან: ამომრჩეველთა ინფორმირება საპარლამენტო არჩევნებისთვის, ამომრჩეველთა ინფორმირება აჭარის უმაღლესი საბჭოს არჩევნებისთვის და საადვოკაციო კამპანია. 2008 წლის განმავლობაში განხორციელდა პირველი ორი ფაზა. რაც შეეხება საადვოკაციო კამპანიას, პროექტის ეს ფაზა ნაწილობრივ განხორციელდა 2008 წელს, ხოლო რიგი აქტივობები დაიგეგმა 2009 წლისთვის.

21 მაისის საპარლამენტო არჩევნებისთვის ორგანიზაციებმა განახორციელეს ფართომასშტაბიანი საინფორმაციო კამპანია საქართველოს მასშტაბით. ორგანიზაციების მოხალისეებმა ავტო-ტურების საშუალებით მოახდინეს ამომრჩეველთა ინფორმირება დაგეგმილ არჩევნებზე და მოუწოდეს მათ მონაწილეობა მიეღოთ საპარლამენტო არჩევნებში. მათ ადგილობრივი მოსახლეობისთვის მოაწყვეს როლური თამაშები, რისი მეშვეობითაც მოსახლეობას საშუალება მიეცა გაცნობოდა არჩევნების დღის პროცედურებს

3 ნოემბრის აჭარის უმაღლესი საბჭოს არჩევნებისთვის „სამართლიანმა არჩევნებმა“ და საქართველოს ახალგაზრდა იურისტთა ასოციაციამ კვლავ გაუკეთა ორგანიზება ავტო-ტურებს, რომლის მეშვეობითაც მოახდინეს აჭარის ავტონომიური რესპუბლიკის ამომრჩეველთა ინფორმირება დაგეგმილ არჩევნებთან დაკავშირებით;

პროექტის მესამე ფაზა გულისხმობდა საქართველოში დემოკრატიული ინსტიტუტების განვითარებას, სამოქალაქო საზოგადოების აქტიური მონაწილეობით. აღნიშნული პროექტის ფარგლებში განმახორციელებელმა ორგანიზაციებმა ჩაატარეს საადვოკაციო ტრენინგები საზოგადოების აქტიური წევრებისათვის. ტრენინგებზე ძირითადი ყურადღება დააეთმო თემებში არსებული პრობლემების გამოვლენის, ანალიზის და გადაჭრის გზების ძიების შესწავლას. თემის წევრებმა ორგანიზაციების ტრენერებთან ერთად გამოავლინეს ადგილობრივ დონეზე არსებული პრობლემები და დასახეს მათი გადაჭრის გზები.

პროექტის სახელწოდება: მოქალაქეთა ჩართვა ადგილობრივ დონეზე გადაწყვეტილებების მიღების პროცესში

დონორი ორგანიზაცია: ეროვნული წვლილი დემოკრატიისთვის (NED),
საერთაშორისო საქმეთა ეროვნულ-დემოკრატიული ინსტიტუტი (NDI)

პროექტის ხანგრძლივობა: 1 მაისი, 2009 – 31 სექტემბერი, 2009

პროექტის ბიუჯეტი: 15 992 აშშ დოლარი

განხორციელებული საქმიანობები: პროექტის ფარგლებში „სამართლიანმა არჩევნებმა“ განახორციელა შემდეგი სახის საქმიანობები: ჩატარდა ტრენერთა ტრენინგი სადაც პროექტის განმახორციელებელმა ჯგუფმა შეიმუშავა პროექტის დეტალური გეგმა. ტრენინგების შემდეგ განმახორციელებელმა ჯგუფმა შეიმუშავა კოორდინატორთა ტრენინგისათვის საჭირო მასალები (სახელმძღვანელო, ანგარიშგებისა და შეფასების ფორმები, სხვა). ჩატარდა 2 ტრენინგი აღმოსავლეთ და დასავლეთ საქართველოში (თბილისი, ქუთაისი) ორგანიზაციის 30 რაიონული კოორდინატორისათვის, სადაც მოხდა მათი სწავლება პროექტის ფარგლებში მათ მიერ განსახორციელებელ საქმიანობებზე. რაინულმა კოორდინატორებმა ოფიციალურად გამოითხოვეს თავიანთ მუნიციპალიტეტებსა და თვითმმართველ ქალაქებში ადგილობრივი ბიუჯეტები, რომლებიც მიეწოდა ცენტრალურ ოფისს, სადაც მოხდა ბიუჯეტის (სათითაოდ) დამუშავება და ანალიზი. დამუშავებული ბიუჯეტი უკან გადაეცათ რაიონულ კოორდინატორებს, რომლებმაც მოაწყვეს საჯარო შეხვედრები ადგილობრივ მოსახლეობასთან და გააცნეს არსებული ბიუჯეტები. საჯარო შეხვედრებზე მოხდა ადგილობრივი მოსახლეობის მიერ მათთვის საჭირო პრიორიტეტების განსაზღვრა. ზემოთ ჩამოთვლილი საქმიანობების განხორციელების შემდეგ, ორგანიზაციის ცენტრალურმა ოფისმა გააკეთა შედარებითი ანალიზი არსებულ ბიუჯეტებსა და მოსახლეობის პრიორიტეტებს შორის, თუ რამდენად ემთხვევოდა ერთმანეთს, შემდეგ კი დამუშავებული ინფორმაცია მიეწოდა რაიონულ კოორდინატორებს. პროექტის საბოლოო ეტაპზე „სამართლიანი არჩევნების“ რაიონულმა კოორდინატორებმა ინფორმაცია ბიუჯეტის ანალიზის შესახებ წარუდგინეს ადგილობრივი თვითმმართველობის წარმომადგენლებს, რათა მომავალი წლის ბიუჯეტის ფორმირების პროცესში მოხდეს მოსახლეობის პრიორიტეტების განსაზღვრა.

პროექტის სახელწოდება: დემოკრატიული ინსტიტუტების განვითარება საქართველოში სამოქალაქო საზოგადოების აქტიური მონაწილეობით

დონორი ორგანიზაცია: ევროკავშირი (EU) და გაერთიანებული ერების ორგანიზაციის განვითარების პროგრამა (UNDP)

პროექტის ხანგრძლივობა: 1 ნოემბერი, 2008 - 30 სექტემბერი, 2009

პროექტის ბიუჯეტი: 1 148 920 ევრო

განხორციელებული საქმიანობები: პროექტი ერთობლივად განხორციელდა სამართლიანი არჩევნებისა და დემოკრატიის საერთაშორისო საზოგადეობისა და საქართველოს ახალგაზრდა იურისტთა ასოციაციის მიერ. აღნიშნული პროექტი არის ერთიანი დიდი პროექტის მესამე ფაზა, რომლის ფარგლებშიც ორგანიზაიებმა განახორციელეს შემდგომი საქმიანობები:

საქართველოს მაშტაბით 60 თემში შეირჩა საზოგადოების აქტიური წევრები, რომლებსაც განმახორციელებელი ორგანიზაციების ტრენერებმა ჩაუტარეს ტრენინგების სერია ადვოკატირებასთან დაკავშირებით. ტრენინგების მონაწილეებმა მიიღეს ღრმა თეორიული და პრაქტიკულ ცოდნა, როგორც საადვოკაციო საქმიანონების დაგეგმვის, განხორციელებისა და შეფასების შესახებ, ასევე საჯარო შეხვედრების ორგანიზების კუთხით. ძირითადი ყურადღება გამახვილდა თემებში არსებული პრობლემების გამოვლენაზე, მათ ანალიზსა და გადაჭრის გზების ძიებაზე;
საადვოკაციო ტრენინგების ორგანიზების შემდეგ, განმახორციელებელმა ორგანიზაციებმა ჩაატარეს 60 საჯარო შეხვედა საქართველოს მასშტაბით, რომლებშიც მონაწილეობა მიიღეს თემის აქტიურმა წევრებმა, ადგილობრივი ხელისუფლების, სამოქალაქო სექტორისა და მედიის წარმომადგენლებმა. საჯარო შეხვედრებზე დამსწრე საზოგადოებამ იმსჯელა თემებში არსებულ პრობლემებზე და დაისახა მათი შესაძლო გადაჭრის გზები;
პროექტის დასრულების შემდეგ, 2009 წლის 6 ოქტომბერს „სამართლიანმა არჩევნებმა“ და საია-მ ორგანიზება გაუკეთეს საბოლოო კონფერენციას, რომელსაც დაესწრო პროექტში მონაწილე საზოგადოების დიდი ნაწილი: ცენტრალური ადგილობრივი თვითმმართველობის წარმომადგენლები, საჯარო შეხვედრების აქტიური მოქალაქეები და განმახორციელებელი ორგანიზაციების წარმომადგენლები. კონფერენციას ასევე ესწრებოდნენ ცენტრალური საარჩევნო კომისიის, საერთაშორისო ორგანიზაციების, სამოქალაქო საზოგადოებისა და მასმედიის წარმომადგენლები. კონფერენციაზე განხილული იქნა განხორციელებული პროექტი, მისი შედეგები და დაისახა შემდგომი თანამშრომლობის გზები.

2008 წელი

პროექტის სახელწოდება: 2008 წლის აჭარის უმაღლესი საბჭოსა და საქართველოს შუალედური საპარლამენტო არჩევნების მონიტორინგი

დონორი ორგანიზაცია: ბრიტანეთის საელჩო

პროექტის ხანგრძლივობა: 5 ოქტომბერი - 15 დეკემბერი, 2008

პროექტის ბიუჯეტი: 17 100 ბრიტანული ფუნტ-სტერლინგი

განხორციელებული საქმიანობები: პროექტი შედგებოდა სამი ეტაპისაგან: წინასაარჩევნო, არჩევნების დღისა და არჩევნების შემდგომი პერიოდის მონიტორინგისგან და იგი განხორციელდა აჭარის 6 და თბილისის 2 (# 2 ვაკე და # 8 დიდუბე) საარჩევნო ოლქში. პროექტის პირველი ეტაპი წარმოადგენდა წინასაარჩევნო პერიოდის მონიტორინგს, რომელიც განხორციელებულ იქნა „სამართლიანი არჩევნების“ გრძელვადიანი დამკვირვებლების მიერ. წინასაარჩევნო მონიტორინგის მეშვეობით ორგანიზაციამ საზოგადოებას მიაწოდა სრულყოფილი ინფორმაცია საარჩევნო ადმინისტრაციის, პოლიტიკური პარტიების მიერ წარმოებული კამპანიისა და ადგილობრივი თვითმმართველობის ორგანოების საქმიანობების შესახებ. პროექტის მეორე ეტაპი - არჩევნების დღის მონიტორინგი, განხორციელდა „სამართლიანი არჩევნების“ 340 დამკვირვებლის, 6 მობილური ჯგუფის, 1 აჭარის უმაღლესი საბჭოს დამკვირვებლისა და 2 იურისტთა ჯგუფის მიერ, აჭარის რეგიონის 6 საარჩევნო ოლქში; 60 დამკვირვებლის, 2 მობილური ჯგუფის, 1 ცენტრალური საარჩევნო კომისიის დამკვირვებლისა და 1 იურისტთა ჯგუფის მიერ - თბილისის 2 საარჩევნო ოლქში. მონიტორინგის შედეგებზე დაყრდნობით ორგანიზაციამ საზოგადოებას მიაწოდა ინფორმაცია არჩევნების დღის პროცესების მიმდინარეობისა და დარღვევების შესახებ.მესამე ეტაპი - არჩევნების შემდგომი პერიოდის მონიტორინგი, განხორციელებულ იქნა 12 დამკვირვებლის, 1 აჭარის უმაღლესი საბჭოს დამკვირვებლის მიერ აჭარის 6 საარჩევნო ოლქში; 4 დამკვირვებლის, 1 ცენტრალური საარჩევნო კომისიის დამკვირვებლის მიერ თბილისის 2 საარჩევნო ოლქში. მესამე ეტაპის მეშვეობით ორგანიზაციამ განახორციელა საარჩევნო ოლქებში არჩევნების შემდგომ მიმდინარე პროცესების, კერძოდ, ოლქში შეტანილი საჩივრების განხილვისა და შედეგების მონიტორინგი.

პროექტის სახელწოდება: 2008 წლის აჭარის უმაღლესი საბჭოსა და საქართველოს შუალედური საპარლამენტო არჩევნების მონიტორინგი (აღნიშნული პროექტი არის ბრიტანეთის საელჩოს მიერ დაფინანსებული პროექტის თანადაფინანსება).

დონორი ორგანიზაცია: ევროპის უსაფრთხოებისა და თანამშრომლობის ორგანიზაცია (OSCE)

პროექტის ხანგრძლივობა: 5 ოქტომბერი - 15 დეკემბერი, 2008

პროექტის ბიუჯეტი: 44 ,893 ევრო

განხორციელებული საქმიანობები: მსგავსად წინა პროექტისა, აღნიშნული პროექტი წარმოადგენდა 3 ნოემბრის აჭარის უმაღლესი საბჭოსა და საქართველოს პარლამენტის შუალედური არჩევნების მონიტორინგს. პროექტი შედგებოდა სამი ეტაპისაგან: წინასაარჩევნო, არჩევნების დღისა და არჩევნების შემდგომი პერიოდის მონიტორინგისგან და განხორციელდა აჭარის 6 და თბილისის 2 (# 2 ვაკე და # 8 დიდუბე) საარჩევნო ოლქში. პროექტის პირველი ეტაპი წარმოადგენდა წინასაარჩევნო პერიოდის მონიტორინგს, რომელიც განხორციელებულ იქნა „სამართლიანი არჩევნების“ გრძელვადიანი დამკვირვებლების მიერ. პროექტის მეორე ეტაპი - არჩევნების დღის მონიტორინგი, განხორციელდა „სამართლიანი არჩევნების“ 340 დამკვირვებლის, 6 მობილური ჯგუფის, 1 აჭარის უმაღლესი საბჭოს დამკვირვებლისა და 2 იურისტთა ჯგუფის მიერ, აჭარის რეგიონის 6 ოლქში; ხოლო # 2 ვაკისა და # 8 დიდუბის საარჩევნო ოლქებში - 60 დამკვირვებლის, 2 მობილური ჯგუფის, 1 ცენტრალური საარჩევნო კომისიის დამკვირვებლისა და 1 იურისტთა ჯგუფის მიერ. მონიტორინგის შედეგებზე დაყრდნობით „სამართლიანმა არჩევნებმა“ საზოგადოებას მიაწოდა ობიექტური ინფორმაცია არჩევნების დღის მიმდინარეობის შესახებ.მესამე ეტაპი - არჩევნების შემდგომი პერიოდის მონიტორინგი განხორციელდა ორგანიზაციის 12 დამკვირვებლის, 1 აჭარის უმაღლესი საბჭოს დამკვირვებლის მიერ, აჭარის 6 საარჩევნო ოლქში; და 4 დამკვირვებლის, 1 ცენტრალური საარჩევნო კომისიის დამკვირვებლის მიერ თბილისის 2 საარჩევნო ოლქში. ამ ეტაპის მეშვეობით ორგანიზაციამ განახორციელა საარჩევნო ოლქებში არჩევნების შემდგომ მიმდინარე პროცესების, კერძოდ, ოლქში შეტანილი საჩივრების განხილვისა და შედეგების მონიტორინგი.

პროექტის სახელწოდება: საქართველო: 2008 წლის არჩევნები, ამომრჩეველთა სიების დახვეწა

დონორი ორგანიზაცია: ევროპის საბჭო (CoE) და ევროპის უსაფრთხოებისა და თანამშრომლობის ორგანიზაცია (OSCE)

პროექტის ხანგრძლივობა: 1 თებერვალი - 30 ივნისი, 2008

პროექტის ბიუჯეტი: 148 510 ევრო

განხორციელებული საქმიანობები: პროექტი შედგებოდა სამი ფაზისაგან და განხორციელდა საქართველოს 75 საარჩევნო ოლქში, გარდა კონფლიქტური ზონებისა. პროექტის პირველი ფაზა წარმოადგენდა ამომრჩეველთა ინფორმირების კამპანიას, რომლის ფარგლებში ორგანიზაციამ საზოგადოებას მიაწოდა სრულყოფილი ინფორმაცია საარჩევნო ადმინისტრაციის მიერ განხორციელებული კარ-და-კარ სიების გადამოწმების კამპანიის შესახებ. ასევე, თუ როდის და როგორ შეეძლოთ მათ გადაემოწმებინათ საკუთარი მონაცემები ამომრჩეველთა სიებში; პროექტის მეორე ფაზის ფარგლებში „სამართლიანმა არჩევნებმა” განახორციელა საარჩევნო ადმინისტრაციის მიერ განხორციელებული კარ-და-კარ ამომრჩეველთა სიების დახვეწის სრული პროცესის მონიტორინგი; პროექტის მესამე ფაზა წარმოადგენდა ამომრჩეველთა სიების სრულყოფილ აუდიტს, რომლის დროსაც გამოყენებულ იქნა რეპრეზენტატული რაოდენობის შერჩევა ქვეყნის მასშტაბით. ამ ფაზის შედეგად ორგანიზაციამ დაადგინა ამომრჩეველთა სიების საერთო ხარისხი საქართველოში.

პროექტის სახელწოდება: ამომრჩევლთა ნდობის განმტკიცება საარჩევნო პროცესთან მიმართებაში

დონორი ორგანიზაცია: შვედეთის საერთაშორისო განვითარების სააგენტო (SIDA)

პროექტის ხანგრძლივობა: მაისი - ივნისი, 2008

პროექტის ბიუჯეტი: 56 999.24 აშშ დოლარი

განხორციელებული საქმიანობები: პროექტი ერთობლივად განახორციელა ორმა ადგილობრივმა არასამთავრობო ორგანიზაციამ: საქართველოს ახალგაზრდა იურისთა ასოციაციამ (GYLA) და სამართლიანი არჩევნებისა და დემოკრატიის საერთაშორისო საზოგადოებამ (ISFED). არჩევნების შემდგომ პერიოდში, "სამართლიანი არჩევნების" 80 აკრედიტირებული ოლქის დამკვირვებელი (2 დამკვირვებელი თითო ოლქში) დააკვირდა საარჩევნო პროცესების მიმდინარეობას საქართველოს 40 საარჩევნო ოლქში. ამავე დროს, ორგანიზაციის აკრედიტირებული დამკვირვებლები დააკვირდნენ ცენტრალურ საარჩევნო კომისიაში მიმდინარე პროცესებს, 21 მაისის საპარლამენტო არჩევნების შემდეგ.

პროექტის სახელწოდება: 2008 წლის არჩევნები, ინფორმირებული ამომრჩევლები

დონორი ორგანიზაცია: ევროკავშირი (EU)

პროექტის ხანგრძლივობა: მარტი - მაისი, 2008 წელი

პროექტის ბიუჯეტი: 111 000 ევრო

განხორციელებული საქმიანობები: "სამართლიანმა არჩევნებმა" განახორციელა ხმების პარალელური დათვლა და 2008 წლის, 21 მაისის საპარლამენტო არჩევნების, არჩევნების დღის მონიტორინგი. 75 საჯარო სტენდის ორგანიზება საქართველოს 75 საარჩევნო ოლქში ერთდროულად; ორი ვიდეო რგოლის დამზადება და გაშვება საქართველოს 2 ტელევიზიაში. სამი რადიო გადაცემის ორგანიზება.

პროექტის სახელწოდება: "მე ხმას ვაძლევ პირველად"

დონორი ორგანიზაცია: ევრაზიის თანამშრომლობის ფონდი

პროექტის ხანგრძლივობა: 2008 წლის, 8 თებერვალი - 2008 წლის, 8 მაისი

პროექტის ბიუჯეტი: 19 047 აშშ დოლარი

განხორციელებული საქმიანობები: ტრენინგები ორგანიზაციის ტრენერთათვის; ჩატარდა 100 ერთსაათიან ტრენინგები მათთვის, ვისაც პირველად მიეცათ საშუალება მონაწილეობა მიეღოთ 2008 წლის საპარლამენტო არჩევნებში; ტრენინგები ჩაუტარდათ ასევე იმ აპლიკანტებს, რომლებიც 2007 წლის ეროვნული გამოცდების შედეგად ვერ ჩაირიცხნენ საქართველოს ვერცერთ უმაღლეს სასწავლებელში.

პროექტის სახელწოდება: საქართველო 2007: საარჩევნო ადმინისტრაციის მონიტორინგი

დონორი ორგანიზაცია: ევროპის უშიშროებისა და თანამშრომლობის ორგანიზაცია

პროექტის ხანგრძლივობა: 1 ოქტომბერი, 2007 - 8 იანვარი, 2008

პროექტის ბიუჯეტი: 34 673,70 ევრო

განხორციელებული საქმიანობები: პროექტის ფარგლებში ორგანიზაცია აკვირდებოდა ცენტრალური საარჩევნო კომისიისა და საოლქო საარჩევნო კომისიების ყოველდღიურ საქმიანობებს. გამოსცა ორი ელექტრონული ბიულეტენი - "საარჩევნო სიახლენი".

პროექტის სახელწოდება: თავისუფალი და სამართლიანი არჩევნები: ადგილობრივ და მიუკერძოებელ დამკვირვებელთა უნარჩვევების გაძლიერება

დონორი ორგანიზაცია: ევროკავშირის წარმომადგენლობა საქართველოში

პროექტის ხანგრძლივობა: 1 დეკემბერი, 2007 - 31 იანვარი 2008

პროექტის ბიუჯეტი: 62 500,00 ევრო

განხორციელებული საქმიანობები: "სამართლიანმა არჩევნებმა" მოახდინა ადგილობრივი დამკვირვებლების დატრენინგება არჩევნებისათვის, ასევე ჩაატარა ტრენერთა ტრენინგი. ადგილობრივი დამკვირვებლებისთვის ტრენინგები ჩატარდა ორ ეტაპად, რომელიც ასევე მოიცავდა მათ ტესტირებას.

პროექტის სახელწოდება: 2008 წლის სამართლიანი არჩევნები და ინფორმირებული ამომრჩევლები

დონორი ორგანიზაცია: შვეიცარიის განვითარებისა და თანამშრომლობის სააგენტო

პროექტის ხანგრძლივობა: დეკემბერი, 2007 - თებერვალი 2008

პროექტის ბიუჯეტი: 66 741,40 ევრო

განხორციელებული საქმიანობები: "სამართლიანმა არჩევნებმა" განახორციელა ხმების პარალელური დათვლა და არჩევნების დღის მონიტორინგი. ორგანიზაციის დამკვირვებლებს ჩაუტარდათ ტრენინგები; განხორციელდა მონიტორინგი არჩევნების შემდგომ პროცედურებზე; გამოიცა არჩევნების საბოლოო ანგარიში.

2007 წელი

პროექტის სახელწოდება: საქართველო - სამოქალაქო საზოგადოების გაძლიერება

დონორი ორგანიზაცია: ეროვნული წვლილი დემოკრატიისთვის

პროექტის ხანგრძლივობა: 1 თებერვალი, 2007 - 30 აპრილი, 2007

პროექტის ბიუჯეტი: 33 900,00 აშშ დოლარი

განხორციელებული საქმიანობები: პროექტის ფარგლებში გაიმართა საერთო კრება, ჩატარდა ორი გამგეობის სხდომა და სტრატეგიული დაგეგმარების სემინარი; განახლდა ორგანიზაციის შიდა დოკუმენტაცია; გაიმართა მრგვალი მაგიდა; ჩატარდა ტრენინგი "ეფექტური შიდა კომუნიკაცია", ასევე სხვადასხვა სახის ტრენინგ-სემინარები; გამოიცა გაზეთი.

პროექტის სახელწოდება: მოქალაქეთა ჩართულობა ადგილობრივი საჯარო ორგანოების გამჭვირვალობაში

დონორი ორგანიზაცია: ეროვნული წვლილი დემოკრატიისთვის

პროექტის ხანგრძლივობა: 1 მარტი, 2007 - 15 ივნისი, 2007

პროექტის ბიუჯეტი: 44 855,50 აშშ დოლარი

განხორციელებული საქმიანობები: ორგანიზაციამ განახორციელა მონიტორინგი 61 მუნიციპალიტეტისა და 5 თვითმმართველი ქალაქის საკრებულოს სხდომებზე. დააკვირდა ადგილობრივი თვითმმართველობის საქმიანობებს. პროექტის პარგლებში ჩატარდა 30 გამჭვირვალობის ტრენინგი და 57 საჯარო შეხვედრა, ასევე მონიტორინგი განხორციელდა საჯარო ინფორმაციის მიღებასთან დაკავშირებით; გამოიცა ბროშურა "ინფორმაციის თავისუფლება", ასევე გაზეთის სახით გამოიცა და გავრცელდა მონიტორინგის შედეგები.

პროექტის სახელწოდება: 2006 წლის 5 ოქტომბრის ადგილობრივი თვითმმართველობის არჩევნებისთვის საარჩევნო კომისიების მიერ გაწეული ხარჯებისგამჭვირვალობა

დონორი ორგანიზაცია: შვეიცარიის განვითარებისა და თანამშრომლობის სააგენტო

პროექტის ხანგრძლივობა: მარტი, 2007 - სექტემბერი, 2007

პროექტის ბიუჯეტი: 31 958,80 აშშ დოლარი

განხორციელებული საქმიანობები: ორგანიზაციამ განახორციელა მონიტორინგი ცენტრალური და საოლქო საარჩევნო კომისიების მიერ გაწეულ ხარჯებზე. კომისიებიდან გამოთხოვილ იქნა ფინანსური ბალანსები, ასევე ტენდერების მასალები და ფინანსური დეკლარაციები. სპეციალური კითხვარის საშუალებით, გამოიკითხა საოლქო საარჩევნო კომისიის წევრები.

პროექტის სახელწოდება: საქართველო 2008 წლის არჩევნები: ამომრჩეველთა სიების გაუმჯობესება. 1 ფაზა

დონორი ორგანიზაცია: ევროპის საბჭოს ოფისი საქართველოში

პროექტის ხანგრძლივობა: სექტემბერი, 2007 - ოქტომბერი, 2007

პროექტის ბიუჯეტი: 31 569,90 ევრო

განხორციელებული საქმიანობები: ორგანიზაციამ განახორციელა ამომრჩეველთა განათლების კამპანია, ორგანიზება გაუკეთა საჯაროს სტენდებს საქართველოს ყველა საარჩევნო ოლქში; დაიბეჭდა და გავრცელდა ფლაერები/პოსტერები; ამასთანავე ორგანიზაციამ მონიტორინგი განახორციელა საარჩევნო ადმინისტრაციის მიერ წარმოებულ კარ-და-კარ ამომრჩეველთა სიების გადამოწმების პროცესზე.

პროექტის სახელწოდება: მოქალაქეთა პოლიტიკური უფლებების ხელშეწყობა

დონორი ორგანიზაცია: ეროვნული წვლილი დემოკრატიისთვის

პროექტის ხანგრძლივობა: 1 ივნისი, 2007 - 31 დეკემბერი, 2007

პროექტის ბიუჯეტი: 70 816,00 აშშ დოლარი

განხორციელებული საქმიანობები: პროექტის ფარგლებში "სამართლიანმა არჩევნებმა" ჩაატარა 73 საჯარო შეხვედრა, 60 სემინარი "მე ხმას ვაძლევ პირველად", მცირე გრანტების პროექტები. ამასთანავე გაიმართა მრგვალი მაგიდა, თემაზე: "საარჩევნო დავები, პრობლემები და მათი გადაჭრის გზები".

პროექტის სახელწოდება: საქართველო 2008 წლის არჩევნები: ამომრჩეველთა სიების გაუმჯობესება. 2 ფაზა

დონორი ორგანიზაცია: ევროპის საბჭოს ოფისი საქართველოში

პროექტის ხანგრძლივობა: ოქტომბერი, 2007 - დეკემბერი, 2007

პროექტის ბიუჯეტი: 28 652,00 ევრო

განხორციელებული საქმიანობები: პროექტის ფარგლებში ორგანიზაცია აკვირდებოდა სპეციალური ჯგუფების მუშაობას, მონაცემების შეგროვებას და შემდეგ ამ მონაცემების ერთიან ელექტრონულ ბაზაში შეყვანის პროცესს. ამასთან, ორგანიზაციამ გააკეთა პირველ ფაზაში განხორციელებული "ამომრჩეველა ინფორმირების პროექტის" შეფასება.

პროექტის სახელწოდება: ამომრჩეველთა ინფორმირების კამპანია

დონორი ორგანიზაცია: ევროპის საბჭო

პროექტის ხანგრძლივობა: 1 დეკემბერი, 2007 - 31 დეკემბერი, 2007

პროექტის ბიუჯეტი: 39 154,79 ევრო

განხორციელებული საქმიანობები: ორგანიზაციამ გაავრცელა ამომრჩეველთა ინფორმირებისათვის დამზადებული პოსტერები და ლიფლეტები; ორგანიზება გაუკეთა საჯარო სტენდებს; ამომრჩეველთათვის მოამზადა სპეციალური საინფორმაციო ვიდეო და აუდიო რგოლები, რომლებიც გადაიცა ტელევიზიებითა და რადიოთი. "სამართლიანმა არჩევნებმა" მოსახლეობის ინფორმირებისათვის, ასევე ორგანიზება გაუკეთა ოთხ რადიო გადაცემას, რომელშიც მონაწილეობა მიიღეს ორგანიზაციის წევრებმა.

	პროექტები
	» მიმდინარე პროექტები
	» განხორციელებული პროექტები
	» კვლევები

მიუთითეთ საძიებო სიტყვა

განცხადებების ელ-ფოსტაზე მისაღებად, გთხოვთ გამოიწეროთ ჩვენი ელექტრონული ბიულეტინი

დოკუმენტური ფილმი

თავფურცელი | ჩვენს შესახებ | დაგვიკავშირდით | საიტის რუკა