 |
|
პროექტის სახელწოდება: მიწისძვრით დაზარალებულთა დახმარების პროგრამის მონიტორინგი:
პროექტის ხანგრძლივობა: სექტემბერი- იანვარი, 2009
დონორი ორგანიზაცია:დაფინანსების გარეშე, შიდა ორგანიზაციული რესურსის გამოყენებით
პროექტის მიზნები:
- სახელმწიფოს მიერ მიწისძვრით დაზარალებულთა დახმარების პროგრამის ეფექტურობის მონიტორინგი;
- დახმარების პროგრამის ხარჯვის მიზანმიმართულობის მონიტორინგი;
- მიწისძვრით დაზარალებულთა პრობლემების იდენტიფიცირება.
პროექტის აღწერა:
- პროექტის ფარგლებში „სამართლიანი არჩევნების“ რაიონული კოორდინატორები განახორციელებენ მონიტორინგს, შემდეგი მიმართულებებით:
- შეიქმნა თუ არა დაზარალებულთა დასახმარებლად სპეციალური კომისიები;
- აღნიშნული კომისიების დაკომპლექტების წესი - ვინ და რამდენი ადამიანისაგან შედგება კომისიები;
- კომისიების მუშაობა;
- დაზარალებულთა დასახმარებლად განხორციელებული საქმიანობები;
- რამდენი და როგორი კატეგორიის სახლები შეფასდა;
- გამოიყო თუ არა თანხები დაზარალებულთა დასახმარებლად..
- ორგანიზაცია მონიტორინგს განახორციელებს ონის, საჩხერისა და ჭიათურის რაიონებში;
- პროგრამის დასრულების შემდეგ, რაიონული კოორდინატორები ცენტრალურ ოფისს მიაწვდიან მონიტორინგის შედეგად მოპოვებულ ინფორმაციას, შემდეგ კი მოხდება ამ ინფორმაციის დამუშავება, ანალიზი და გავრცელება.
პროექტის სახელწოდება: დიალოგისა და უნარჩვევების ხელშეწყობა ეფექტური ეროვნული საარჩევნო პროცესებისათვის
პროექტის ხანგრძლივობა: 1 ოქტომბერი, 2009 – 1 დეკემბერი, 2010 ( 14 თვე)
დონორი ორგანიზაცია: გაერთიანებული ერების განვითარების პროგრამა (UNDP)
პროექტის მიზნები:
- ფართომასშტაბიანი საინფორმაციო კამპანიის წარმოება საზოგადოებისათვის, ეთნიკური უმცირესობების ჩათვლით, ზოგადად არჩევნებთან და საარჩევნო პროცედურებთან დაკავშირებით;
- სამოქალაქო საზოგადოების ინფორმირებულობის შენარჩუნება საარჩევნო პრინციპებთან დაკავშირებით, რომელიც ხელს შეუწყობს საარჩევნო წესების უპრო მეტად დაფასებას, შედეგად კი გაზრდის სამოქალაქო ქცევის პასუხისმგებლობას.
პროექტის აღწერა: პროექტის ფარგლებში "სამართლიანი არჩევნები" გეგმავს:
- რესურს ცენტრების გახსნას რეგიონებში (2 რესურს ცენტრი განთავსდება ეთნიკური უმცირესობებით, სომხებითა და აზერბაიჯანლებით, დასახლებულ რეგიონებში), სადაც გაიმართება რეგულარული შეხვედრები ადგილობრივ მოსახლეობის ჩართულობით, საარჩევნო საკითხებთან დაკავშირებით;
- ახალგაზრდული ჯგუფების შექმნას (ახალგაზრდები სამართლიანი არჩევნებისთვის) - თითოეულ რესურს ცენტრში წარმოდგენილი იქნება 15-20 ახალგაზრდა, რომლებიც ხელს შეუწყობენენ როგორც თავიანთი თანატოლების, ასევე თემის სხვა წევრების ცნობიერების ამაღლებასა და მათ ჩართულობას საარჩევნო პროცესებში. ახალგაზრდები ასევე ჩართულები იქნებიან პროექტით გათვალისწინებულ სხვადასხვა აქტივობებში, როგორებიცაა: ავტო-ტურები, საჯარო სტენდები, საჯარო შეხვედრები, საინფორმაციო ლიფლეტებისა და ბროშურების გავრცელება;
- ავტო-ტურების ორგანიზებას, რომლებიც გაიმართება ღია ცის ქვეშ და რომლებსაც დაესწრებიან სამოქალაქო საზოგადოების წარმომადგენლები. ავტო-ტურები იქნება ინტერაქტიული ხასიათის, რომლის მეშვეობითაც საზოგადოებას მიეწოდება ინფორმაცია საარჩევნო კანონმდებლობის, საარჩევნო ადმინისტრაციის, არჩევნების დღის პროცედურების, ადგილობრივი თვითმმართველობის არჩევნებისა და არჩევნებში მონაწილების მნიშვნელობაზე. ავტო-ტურების მონაწილეები გაავრცელებენ სპეციალურად დამზადებულ ლიფლეტებსა და ბროშურებს;
- საჯარო სტენდების ორგანიზებას საქართველოს ყველა საარჩევნო ოლქში, რომლის მეშვეობითაც ორგანიზაცია მოსახლეობას მიაწვდის ამომწურავ ინფორმაციას საარჩევნო კანონმდებლობის, საარჩევნო ადმინისტრაციის, არჩევნების დღის პროცედურების, ადგილობრივი თვითმმართველობის არჩევნების, არჩევნებში მონაწილებისა და ამომრჩეველთა სიების შესახებ;
- რეგულარული ტელე და რადიო თოკ-შოუების გამართვას რეგიონალურ მაუწყებლობებში, რომლებშიც მონაწილეობას მიიღებენ „სამართლიანი არჩევნების“ ცენტრალური და რეგიონალური ოფისების წარმომადგენლები, საარჩევნო ადმინისტრაციისა და სამოქალაქო ორგანიზაციების წარმომადგენლები და ისაუბრებენ ისეთ საკითხებზე, როგორებიცაა: საარჩევნო კანონმდებლობა, საარჩევნო ადმინისტრაცია, არჩევნების დღის პროცედურები, არჩევნებში მონაწილების მნიშვნელობა, ამომრჩეველთა სიები. საზოგადოებას მიეცემა საშუალება სატელეფონო ზარის მეშვეობით პიდაპირ ეთერში მიიღონ პასუხი ნებისმიერ არჩევნებთან დაკავშირებულ საკითხებზე;
- საარჩევნო საკითხებთან დაკავშირებული მედია კამპანიის ორგანიზებას. მედია კამპანია მოიცავს შემდეგ აქტივობებს: ა) სპეციალური ფილმის შექმნა არჩევნებსა და არჩევნებში მონაწილეობის მნიშვენელობაზე. ფილმის ჩვენება მოხდება კინოთეატრებსა და ადგილობრივ ტელევიზიებში. ბ) ადგილობრივ ბეჭდვით მედიაში სპეციალური ჩანართების გაკეთება საარჩევნო საკითხებთან დაკავშირები.
პროექტის სახელწოდება: სახალხო მანიფესტი
პროექტის ხანგრძლივობა: 1 ოქტომბერი, 2009 - 1 მარტი, 2011 (18 თვე)
დონორი ორგანიზაცია: ევროკომისია (EC)
პროექტის მიზნები:
- მოქალაქეთა და ადგილობრივი სათემო ორგანიზაციების უნარჩვევების გაზრდა, ადგილობრივი თვითმმართველი ორგანოების მონიტორინგისა და კონტროლის კუთხით;
- ადგილობრივი თვითმმართველი ორგანოების გამჭვირვალობისა და პასუხისმგებლობის უზრუნველყოფა ადგილობრივი პრობლემების მოგვარების პროცესში;
- პოლიტიკური პარტიების/ცალკეული კანდიდატების პასუხისმგებლობის უზრუნველყოფა ადგილობრივ დონეზე არსებული პრობლემებისა და გამოწვევების აღმოფხვრის ან სულ მცირე გაუმჯობესების პროცესში.
პროექტის აღწერა: პროექტის ფარგლებში „სამართლიანი არჩევნები“ განახორციელებს შემდეგ საქმიანობებს:
- ორგანიზებას გაუკეთებს მრგვალ მაგიდებს ფოკუს ჯგუფებისა და ჩართული მხარეების მონაწილეობით, რათა გამოვლენილ იქნას ადგილობრივი პრობლემები. შემდეგ კი ერთობლივად შემუშავდება საუკეთესო გზები, ამ პრობლემების მოსაგვარებლად;
- განახორციელებს აქტიური მოქალაქეებისა და სამოქალაქო ორგანიზაციების ცნობიერებისა და უნარჩვევების ამაღლების კამპანიას;
- ადგილობრივი თვითმმართველობის ორგანოებისა და მათი საქმიანობის მონიტორინგი შემდეგი აქტივობებით: ინფორმაციის თავისუფლების კანონმდბელობის მიხედვით საჯარო ინფორმაციის გამოთხოვა; საკრებულოს (ადგილობრივი თვითმმართველობის წარმომადგენლობითი ორგანო) სხდომებზე დასწრება და მათი საქმიანობებისა და მიღებული გადაწყვეტილებების მონიტორინგი; საკრებულოს ინფორმირება გამოვლენილ პრობლემებთან დაკავშირებით და ამ პრობლემების გადაჭრის გზების შეთავაზება;
- დიალოგის ორგანიზება და შეთანხმების უზრუნველყოფა პოლიტიკურ პარტიებს/ცალკეულ კანდიდატებსა და ადგილობრივ მოსახლეობას შორის იმასთან დაკავშირებით, რომ მათი არჩევის შემთხვევაში პოლიტიკური პარტიები/ცალკე მდგომი კანდიდატები აიღებენ პასუხისმგებლობას არსებული გამოწვევების მოგვარების მხრივ.
პროექტის სახელწოდება: ორგანიზაციის ინსტიტუციონალური გაძლიერება
პროექტის ხანგრძლივობა: 1 აპრილი, 2009 – 31 იანვარი, 2010
დონორი ორგანიზაცია: ეროვნული წვლილი დემოკრატიისთვის (NED)
პროექტის მიზნები:
- ორგანიზაციის გრძელვადიანი სიმტკიცის გაძლიერება, ინსტიტუციონალური და ტექნიკური უნარების გაძლიერებით;
- საარჩევნო კანონმდებლობის გაუმჯობესება, საარჩევნო კოდექსზე მომუშავე ჯგუფისათვის ტექნიკური გამოცდილების მიწოდებით. (ევროსაბჭოსა და ეუთოს მიერ ინიცირებული სამუშაო ჯგუფი).
I ფაზა(1 აპრილი, 2009 – 31 ივლისი, 2009)
პროექტის აღწერა: პროექტის I ფაზის ფარგლებში „სამართლიანი არჩევნები“ განახორციელებს შემდეგ საქმიანობებს:
- ჩატარდება 2 შეფასებითი სამუშაო შეხვედრა, ორგანიზაციის ძლიერი და სუსტი მხარეების გამოსავლენად. შეხვედრაში მონაწილეობას მიიღებენ „სამართლიანი არჩევნების“ გამგეობის წევრები, ცენტრალური და რეგიონალური ოფისების თანამშრომლები და ეროვნულ-დემოკრატიული ინსიტუტის (NDI) წარმომადგენლები. აქცენტი გაკეთდება ორგანიზაციის ძლიერ ასპექტებზე, რომელიც ითამაშებს გადამწყვეტ როლს ორგანიზაციის თვით-გაძლიერების განვითარებისთვის;
- გაიმართება მუდმივი კონსულტაციები საერთაშორისო ექსპერტებთან, ისეთ აღმოსავლეთ ევროპული სამოქალაქო ორგანიზაციების წარმომადგენლებთან, როგორებიცაა სესიდი (CeSID), გონგი (GONG) და PDA. კონსულტაციების მეშვეობით „სამართლიანი არჩევნები“ მიიღებს ძირეულ ცოდნასა და გამოცდილებას სხვადასხვა მეთოდებზე და ტექნიკებზე, რომლებიც აუცილებელია ორგანიზაციის ტექნიკური და ფინანსური მდგრადობისთვის, თვით-გაძლიერების განვითარებისთვის;
- ჩატარდება 3 სამუშაო შეხვედრა, ორგანიზაციის გამგეობის, ცენტრალური და რეგიონალური ოფისების თანამშრომლებისა და ეროვნულ-დემოკრატიული ინსიტუტის (NDI) წარმომადგენლების მონაწილეობით, სადაც მოხდება ორგანიზაციის ახალი სტრატეგიის ჩამოყალიბება, წინა შეფასებითი შეხვედრების დროს გამოვლენილ სუსტ და ძლიერ მხარეებსა და საერთაშორისო ექსპერტებისაგან მიღებულ გამოცდილებაზე დაყრდნობით. ახალი სტრატეგია გააერთიანებს ახალ მიმართულებებსა და პრიორიტეტებს, და ეს იქნება ორგანიზაციის გაძლიერებისკენ მიმართული გზების მონახაზი.
- ჩატარდება 5 ტრენინგი „სამართლიანი არჩევნების“ ცენტრალური და რეგიონალური ოფისების თანამშრომლებისა და ოლქის კოორდინატორებისთვის ახალ მიმართულებებსა და პირორიტეტებზე, რათა გაიზარდოს თანამშრომელთა ცოდნა და გამოცდილება ამ საკითხებთან მიმართებაში;
- ჩატარდება გამგეობის 2 სხდომა;
- „სამართლიანი არჩევნების“ იურისტები აქტიურად იქნებიან ჩართულნი ევროსაბჭოსა და ეუთოს მიერ ინიცირებულ საარჩევნო კოდექსზე მომუშავე ჯგუფში.
II ფაზა(1 აგვისტო, 2009 – 31 იანვარი, 2010)
პროექტის აღწერა: პროექტის II ფაზის ფარგლებში „სამართლიანი არჩევნები“ განახორციელებს შემდეგ საქმიანობებს:
- იმისათვის, რომ გაიზარდოს 21 მაისის საპარლამენტო არჩევნების დროს არჩეული მაჟორიტარი დეპუტატების ანგარიშვალდებულება, „სამართლიანი არჩევნები“ ორგანიზებას გაუკეთებს 6 მრგვალ მაგიდას საქართველოს 6 რეგიონში: აჭარა, სამცხე-ჯავახეთი, ქვემო ქართლი, იმერეთი, სამეგრელო და კახეთი. მრგვალი მაგიდების მიზანია, გაიმართოს დისკუსიები, სადაც ისაუბრებენ მაჟორიტარი დეპუტატებისა და მათი ბიუროების მიერ შესრულებულ სამუშაოზე თავიანთ რეგიონებში, პარლამენტის წევრად არჩევიდან 1 წლის განმავლობაში. მრგვალ მაგიდებზე მოწვეულნი იქნებიან შემდეგი მხარეები: საქართველოს პარლამენტის მაჟორიტარი დეპუტატები, მათი ბიუროების წარმომადგენლები, სამოქალაქო საზოგადოების წარმომადგენლები და თემების აქტიური წევრები, მასმედიისა და ადგილობრივი თვითმმართველობის წარმომადგენლები. მონაწილეებს მიეცემათ საშუალება შეაფასონ მაჟორიტარი დეპუტატისა და მისი ბიუროს მიერ შესრულებული საქმიანობა. ასევე, ისაუბრონ იმ მექანიზმებზე, რომლებიც აუციელებელია კანონმდებლებსა და საზოგადოებას შორის დიალოგის გაძლიერებისთვის;
- ჩატარდება 6 ტიპის ტრენინგი ორგანიზაციის ცენტრალური და რეგიონალური ოფისების თანამშრომლებისთვის, ახალ მიმართულებებსა და პრიორიტეტებზე.
- ჩატარდება გამგეობის 3 სხდომა.
პროექტის სახელწოდება: საქართველო: 2008 წლის საპარლამენტო არჩევნები
პროექტის ხანგრძლივობა: 1 მარტი, 2008 - 31 დეკემბერი, 2009
დონორი ორგანიზაცია: ეროვნული წვლილი დემოკრატიისთვის (NED)
პროექტის მიზნები:
- ორგანიზაციის გაძლიერება ინსტიტუციური და ტექნიკური უნარიანობის ამაღლებით;
- ხმების პარალელური დათვლა (PVT) 2008 წლის საპარლამენტო არჩევნებზე; და
- საადვოკაციო კამპანიის საშუალებით მოქალაქეთა აქტიური ჩართულობის ხელშეწყობა გადაწყვეტილებების მიღების პროცესში, რეგიონულ დონეზე.
პროექტის აღწერა: 11 თვიანი პროექტის ფარგლებში „სამართლიანი არჩევნები“ განახორციელებს ხმების პარალელურ დათვლას საქართველოს მასშტაბით, განახორციელებს მნიშვნელოვან საქმიანობებს მოქალაქეთა ცნობიერების ამაღლების მიზნით, ასევე დაეხმარება მოქალაქეებს მათი უფლებებისა და მოვალეობების გაცნობიერებაში თანამონაწილეობრივი დემოკრატიული მმართველობის დროს.
ორგანიზაცია განახორციელებს ყველა ზემოთ ჩამოთვლილ საქმიანობებს, ეროვნულ დემოკრატიული ინსტიტუტის (NDI) მხარდაჭერით. ცენტრალური და რეგიონული წარმომადგენლები მონაწილეობას მიიღებენ სამუშაო შეხვედრებსა და კონსულტაციებში სხვადასხვა მნიშვნელოვან თემებზე, კერძოდ: კომუნიკაციაზე, მოხალისეთა შერჩევაზე, მენეჯმენტსა და ტრენინგების ჩატარებაზე. არჩევნების შემდგომ პერიოდში, ორგანიზაცია NDI-ის დახმარებით ყურადღებას გაამახვილებს თანამშრომელთა მოტივაციის შენარჩუნებასა და გაძლიერებაზე არჩევნებს შორის პერიოდში. ასევე, არჩევნების შემდგომ პერიოდში „სამართლიანი არჩევნები“ ორგანიზებას გაუკეთებს საადვოკაციო კამპანიას მოსახლეობისათვის, საქართველოს რეგიონებში.
სამართლიანი არჩევნებისა და დემოკრატიის საერთაშორისო საზოგადოებამ დაიწყო საჯარო შეხვედრების ჩატარება, პროექტის - "საქართველო: 2008 წლის საპარლამენტო არჩევნები", ფარგლებში.
» ჩატარებული საჯარო შეხვედრები
|
|
|
|
|
